Biltur i Morgan Plus Four

Sunnmøre har nokre av Skandinavias vakraste vegstrekningar. Anten det er dramatiske vegar over fjella, ferjeturar med vakker fjordutsikt eller undersjøiske tunneler og imponerande bruer, blir reisa i ein Morgan Plus Four uforgløymeleg.

Alle som liker å køyre bil, eller å sitte på, vil bli begeistra over ein tur i vår Morgan på nokre av verdas vakraste vegar her på Sunnmøre. Her finn du mange utsiktspunkt, gjort endå meir interessante gjennom særprega arkitektur i verdsklasse i dei offentlege roma, og dei fleste bilturar vil kunne innebere ein ferjetur over ein av dei mange fjordane, som byr på eit pusterom og ein vakker måte å oppleve fjordlandskapet på.

Som gjest på Union Øye har de moglegheit til å leie ein Morgan Plus Four for å utforske det aller beste i regionen.